Напярэдадні ў Мінску прымалі гендырэктара ЮНЕСКА Ірыну Бокаву

Выхад у беларускі свет праз Мір… Палітык і дыпламат Ірына Бокава свой картэж накіравала ў першы замак Беларусі, які трапіў ў спіс сусветнай спадчыны ЮНЕСКА. З таго моманту прайшло 14 гадоў, цяпер гендырэктар міжнароднай арганізацыі асабіста ацэньвае размах праведзенай рэканструкцыі. Радаводы ўладароў замка: князёў Ільінічаў, Радзівілаў, Вітгентштэйнаў, Святаполк-Мірскіх. Кожны тытулаваны гаспадар гэтыя сцены і інтэр'ер мяняў пад сябе. Таму ў залах фрагменты старажытнай кладкі розных часоў.

Беларускія імёны склалі каляндар ЮНЕСКА. Памятныя даты ў гонар Дамейкі, Дуніна-Марцінкевіча святкуюць усім светам. Наступны год - 250-ы дзень нараджэння аўтара легендарнага Развітання з Радзімай. Як адзначыць - прапанавалі прама падчас экскурсіі - правесці балі нашага кампазітара ў Міры.

Аднаўленне не скончана - збіраюць гістарычныя калекцыі, адраджаецца італьянскі сад.

Гэта ўжо радзівілаўская дзяржава… Так называлі ўладанні некаранаваных каралёў ВКЛ. Гісторыя самых багатых магнатаў Еўропы уключана ЮНЕСКА ў спецыяльную праграму Памяць свету. Перапіскі Радзівілаў з уплывовымі палітыкамі, апісанні княжаскай маёмасці, прыватныя лісты захоўвае ЮНЕСКА.

Праз навуку, культуру, адукацыю утрымаць мір - задача ЮНЕСКА. Адна з місій - не толькі апекаваць славутасці розных краін, таксама паўплываць на іх развіццё.

І ўпершыню памятным медалём Пяць кантынентаў ЮНЕСКА адзначаны ўвесь калектыў. Міжнародна ацанілі творчасць усёй трупы нашага Вялікага тэатра оперы і балета. Такі гонар атрымлівалі раней толькі асобныя оперныя прымы, танцоры культурных пляцовак свету.

Заўтра ж Ірына Бокава працягне сваю місію - накіруецца ў Маскву, пасля ў Кіеў.