Парадак дня вельмі шчыльны. Ключавыя дакументы - праект бюджэту (але прымаць яго будуць толькі восенню) і шэраг кодэксаў - Жыллёвы, Працоўны і аб адукацыі. Акцэнт і на рэгіянальнае развіццё - рэальным пунктам росту эканомікі стануць прамысловыя кластары. Як прыклад - такі праект у Аршанскім раёне. У Беларусі гэты год аб’яўлены Годам малой радзімы. Дэпутаты і сенатары гатовыя мабілізаваць усе сілы, каб кожны населены пункт быў добраўпарадкаваны. Але пры гэтым эканомія сродкаў з дзяржказны павінна стаць адным з галоўных прынцыпаў працы дзяржорганаў. Асаблівая ўвага фарміраванню заканадаўства па развіцці бізнесу і прадпрымальніцтва. На гэта скіраваны дэпутаты і сенатары. Першы рабочы дзень і першыя заявы. Падрабязнасці з Авальнай залы ў Святланы Лук’янюк.
Ліберальны пакет дакументаў, падпісаны ў канцы мінулага года, на кантролі і дэпутацкага корпуса. Ужо ў красавіку тут пройдзе круглы стол, дзе будуць гаварыць пра выкананне ключавога дакумента - Дэкрэта № 7 "Аб развіцці прадпрымальніцтва". Дэпутаты з месцаў і на свае вочы бачаць, ці прыходзіць бізнес у сяло і малыя гарады, ці падтрымлівае іх распачынанні мясцовая ўлада.
На адкрыцці - прэм'ер і кіраўнік Адміністрацыі. Усе галіны ўлады працуюць у цеснай звязцы, дзе галоўны вынік - законы. Ужо сёння, у першы рабочы дзень, заканадаўцы ў падтрымку дзелавых людзей прагаласавалі за папраўкі ў Адміністрацыйны кодэкс. Гэта ва ўнісон з Указам аб кантрольнай дзейнасці, дзе праверкі скарачаюць і штрафуюць за парушэнні кантралёраў.
Новыя правілы гульні на гэтай сесіі і па дзяржзакупках. Яны забіраюць да 10 % ВУП з казны. У профільнай камісіі законапраект затрымаўся ўжо больш як на паўтара года. Але ў чэрвені, спадзяецца старшыня, яго ўсё ж вынесуць на галасаванне ў Авальную залу.
Пра гэты законапраект з трыбуны гаварыў і спікер, пералічваючы топавыя дакументы вясновай сесіі. Сярод іх будуць і некалькі кодэксаў - Жыллёвы, Працоўны і аб адукацыі. Мы ж спыталі ў спікера аб настроі ў пачатку працы.
Дарожнай тэматыцы аддалі палову часу сённяшняга пасяджэння. Падтрымалі пагадненні з шанхайскай арганізацыяй супрацоўніцтва аб міжнародных аўтаперавозках і папраўкі ў закон аб аўтадарогах. Разглядаючы яго, дэпутаты задаваліся галоўным пытаннем - як павысіць якасць мясцовых дарог.
Да рэканструкцыі трас гатовыя прыцягваць і бізнес. Але дзяржаўна-прыватнае партнёрства ў тэорыі выглядае пераканаўча, а на практыцы пакуль ніхто яго не бачыў. Чакаем законапраект. Як пілот - дарога М10 ад Гомеля да Калінкавіч. Але, як прызнаецца міністр, гэты праект ідзе цяжка.
Новыя дарогі - гэта крыніца бюджэту. Траса М6 на Гродна пасля рэканструкцыі папоўніць шэрагі платных для грузавікоў і іншаземцаў. Праз тры гады іх стане ўжо 1800 кіламетраў. У кулуарах Дома ўрада кіраўнік транспартнага ведамства гаварыў і пра мост у Жыткавіцкім раёне. Бліжэй да лета праблемныя ўчасткі ўзарвуць і пачнуць узводзіць новыя. Дакладныя тэрміны пакуль у сакрэце.
Яшчэ адна навіна ад кіраўніка ЦВК. Журналісты спыталі аб змяненні тэрмінаў правядзення выбарчых кампаній. На 2020 выпадаюць адразу дзве - прэзідэнцкая і парламенцкая. Яна запэўніла, што да восені не будзе ініцыяваць абмеркаванне гэтага пытання.
А вось ролю дэпутатаў мясцовых Саветаў, якіх выбралі ў лютым, трэба павышаць. Пра гэта гаварыў спікер Савета Рэспублікі на адкрыцці сесіі верхняй палаты. Улічваючы, што 2018 у краіне Год малой радзімы, і ад іх актыўнасці таксама будзе залежаць жыццё невялікіх тэрыторый.
