Мінск і Масква ўзгаднілі пазіцыі па адзінай аграрнай палітыцы

17 Чэрвеня 2019

Развіццю агульнага аграрнага рынку Беларусі і Расіі перашкаджаюць  канфіскацыя  і абмежаванні на пастаўкі прадукцыі. Сёння ў сталіцы  саюзныя парламентарыі падагульнілі работу  па ключавых кірунках інтэграцыйнага ўзаемадзеяння. У цэлым Мінску і Маскве атрымалася скараціць абмежаванні па ўзаемных пастаўках, але частковыя забароны ў дачыненні шэрагу мяса-малочных прадпрыемстваў нашай краіны  захоўваюцца. Рашэнне гэтых пытанняў - на кантролі профільных ведамстваў. Саюзнікі дасягнулі разумення і ў паглыбленні адзінай аграрнай палітыкі. Ключавыя пазіцыі дзвюх краін  узгодненыя: яны стануць часткай  праграмы саюзнай інтэграцыі. 

Уладзімір Андрэйчанка, старшыня Палаты прадстаўнікоў Нацыянальнага сходу Беларусі: "У нас на сённяшні дзень ёсць  шмат праблемных пытанняў. Мы не змаглі стварыць адзіны рынак і роўныя ўмовы для суб'ектаў гаспадарання. На гэты конт зараз ёсць даручэнне прэзідэнтаў РБ і РФ, над гэтым даручэннем працуюць урады. Ім дадзены тэрмін да 25 чэрвеня ўнесці прапановы па далейшым паглыбленні нашай інтэграцыі".

Партнёрам трэба будзе надаць імпульс у стварэнні адзінага паліўна-энергетычнага рынку, паскорыць  запуск агульнай транспартнай палітыкі. Несумленная канкурэнцыя - біч машынабудаўнічых гігантаў дзвюх краін. А між тым, сумесных праектаў толькі ў гэтай сферы  нямала. Так, у Расіі плануецца запуск вытворчасці самазвалаў БелАЗ - пілотны праект зараз у стадыі прапрацоўкі. Пакуль без адказу  і перспектыва адмены роўмінгу на саюзнай тэрыторыі. Мінск і Масква так і не знайшлі адзіных падыходаў. Гэтым пытаннем зоймецца саюзны Саўмін.


Папулярныя

Рэкамендуемыя

Зараз чытаюць

Рэкамендуемыя