Каля 25 пагадненняў і дагавораў, якія падпісаны ў рамках Еўразійскага эканамічнага саюза, дагэтуль не ратыфікаваныя.
Пытанні іх выканання і пераадоленне бар'ераў у гандлі абмяркоўвалі сёння ў Казахстане старшыня калегіі Еўразійскай эканамічнай камісіі Міхаіл Мясніковіч і прэзідэнт рэспублікі Касым-Жамарт Такаеў.
Нагадаем, з 1 лютага Міхаіл Мясніковіч узначаліў калегію Еўразійскай эканамічнай камісіі. Размова ішла аб планах арганізацыі на найбліжэйшую перспектыву.
Касым-Жамарт Такаеў, Прэзідэнт Казахстана: "Сам саюз зрабіў вельмі вялікі шлях у сваім развіцці. Вядома ж, бываюць поспехі і няўдачы. Мы лічым, што ЕАЭС апраўдаў сваё прызначэнне і ў далейшым будзе развівацца пры тым разуменні, што ўсе дзяржавы - удзельнікі гэтага саюза будуць праяўляць неабходную волю да гэтага".
Бакі абмеркавалі работу дзеючых інстытутаў унутры Еўразійскага саюза - такіх, як Еўразійскі банк развіцця і суд ЕАЭС, магчымасць стварэння новых арганізацый, якія б аблегчылі працу бізнесу і насельніцтва ў краінах інтэграцыйнай "пяцёркі".
Міхаіл Мясніковіч і Касым-Жамарт Такаеў абмеркавалі праблемныя пытанні ЕАЭС
24 февраля 2020