МЗС Беларусі выказала заклапочанасць заявай Інстытута нацыянальнай памяці Польшчы аб пераглядзе ацэнак дзеянняў палявога камандзіра Рамуальда Райса (так званага "Бурага"). Размова ідзе аб спробе абяліць злачынцу, які асабіста аддаваў загады і ўдзельнічаў у забойстве мірных жыхароў беларускіх вёсак на Падляшшы.
З заявы МЗС Беларусі:
"Нашу асаблівую заклапочанасць выклікаў адкрыты цынізм асобных польскіх "даследчыкаў", на высновы якіх абапіраецца заява Інстытута нацыянальнай памяці Польшчы. У прыватнасці, у яго апраўданне яны канстатуюць, што "Буры" меў магчымасць "спаліць не пяць, а значна больш беларускіх вёсак у павеце Бельск-Падляшскі".
У МЗС чакаюць ад уладаў Польшчы публічных афіцыйных каментарыяў адносна таго, ці з'яўляецца такая ацэнка дзеянняў "Бурага" афіцыйным пунктам погляду. Для тлумачэнняў у МЗС Беларусі быў выкліканы пасол Польшчы. З абурэннем успрынялі апраўданне польскага ваеннага злачынцы і ў Нацыянальным сходзе Беларусі.
МЗС Беларусі выказала заклапочанасць заявай аб пераглядзе ацэнак дзеянняў палявога камандзіра Рамуальда Райса
12 марта 2019