Анатоль Глаз, начальнік упраўлення інфармацыі і лічбавай дыпламатыі - прэс-сакратар МЗС Беларусі: "У прынцыпе, ствараецца ўстойлівае адчуванне, што ў Літве з'явілася новая славутасць, якую ўсім абавязкова навязваюць для наведвання. З прафесійнага пункту гледжання скажу, што не трэба цешыць сябе ілюзіямі. Нейкія паспешныя кантакты з дзіўнымі суб'ектамі не маюць і не будуць мець ніякага практычнага сэнсу. У дыпламатыі досыць усімі прызнаных цывілізаваных інструментаў, з дапамогай якіх можна весці дыялог і адстойваць інтарэсы. Гэтыя інструменты значна эфектыўней, чым спробы грубага ціску і навязвання сваёй волі суседу".
Беларусь прыняла меры ў адказ на санкцыі Літвы, Латвіі і Эстоніі
Дарэчы, сёння Беларусь прыняла меры ў адказ на санкцыі з боку Літвы, Латвіі і Эстоніі. Як растлумачылі ў МЗС нашай краіны, у санкцыйныя спісы па гэтых трох прыбалтыйскіх краінах унесена прыкладна па 100 чыноўнікаў ад кожнай дзяржавы. Ім зараз забаронены ўезд у Беларусь. Гэта яшчэ адзін напамінак суседзям, што знешняя палітыка Мінска заснаваная на прынцыпах міжнароднага права.
Анатоль Глаз, начальнік упраўлення інфармацыі і лічбавай дыпламатыі - прэс-сакратар МЗС Беларусі: "Нам, напрыклад, складана каменціраваць алагічныя эмацыйныя рухі цела, часам якія мяжуюць з істэрыкай, нашых балтыйскіх суседзяў. Пашырылі санкцыйныя спісы. Што ж, з сённяшняга дня, як і абяцалі, мы таксама ўводзім у дзеянне сіметрычныя абмежавальныя меры ў адказ па кожнай з гэтых краін. Мы гаварылі, што гэта сыходная спіраль, запушчаная з падачы асобных літоўскіх кіраўнікоў. Будзем адказваць і далей, але ніколі не будзем ініцыяваць такія крокі".













