Беларусь выступае за наладжванне агульнанацыянальнага дыялогу для пераадолення супярэчнасцей у Балівіі. Пра гэта гаворыцца ў заяве Міністэрства замежных спраў, размешчанай на сайце ведамства.
Рознагалоссі ў балівійскім грамадстве не павінны станавіцца падставай для супрацьпраўных дзеянняў, якія вядуць да непрадказальных наступстваў. Сітуацыя, якая склалася, павінна вырашыцца выключна мірным шляхам у рамках прававога поля і Канстытуцыі краіны, падкрэслілі ў МЗС.
"Зыходзім з неабходнасці вырашэння сітуацыі выключна мірным шляхам, у рамках прававога поля і Канстытуцыі краіны. Рознагалоссі ў балівійскім грамадстве не павінны станавіцца падставай для супрацьпраўных дзеянняў, што вядуць да непрадказальных наступстваў. Выказваем падтрымку ўсім намаганням, накіраваным на аднаўленне агульнанацыянальнай згоды ў Балівіі, і спадзяёмся, што ў самыя кароткія тэрміны там усталююцца мір і стабільнасць".
Нагадаем, Прэзідэнт Балівіі Эва Маралес на фоне масавых пратэстаў падаў у адстаўку. У сваім звароце ён назваў вымушаную меру спосабам супакоіць сітуацыю.
МЗС Беларусі: Беларусь выступае за наладжванне агульнанацыянальнага дыялогу для пераадолення супярэчнасцей у Балівіі
11 ноября 2019