Колькасць выпадкаў парушэння рэжыму спынення агню на ўсходзе Украіны значна скарацілася. Заявіў спецпрадстаўнік АБСЕ Марцін Сайдык па выніках пасяджэння трохбаковай кантактнай групы ў Мінску.
Нагадаю, з 1 ліпеня ў Данбасе было аб'яўлена так званае хлебнае перамір'е. Паводле дадзеных падгрупы па бяспецы, інтэнсіўнасць узаемных абстрэлаў знізілася на 80%. Зрэшты, Марцін Сайдык канстатаваў, што ў апошнія дні сітуацыя зноў пачынае абвастрацца.
Таксама сёння стала вядома, што Дзяржкамітэт Украіны па пытаннях тэлебачання і радыёвяшчання ўвёў санкцыі ў дачыненні шэрагу расійскіх выдавецтваў. Прычына - "выпуск антыўкраінскай літаратуры" і "распальванне варожасці". У чорны спіс у ліку іншых трапілі кнігі Эдуарда Лімонава, Захара Прылепіна і Аляксандра Дугіна. Раней афіцыйны Кіеў увёў санкцыі ў дачыненні інфармагенцтва "Расія сёння" і заблакіраваў доступ да шэрагу інтэрнэт-рэсурсаў.