У Люксембургу адбылося пасяджэнне Савета міністраў замежных спраў краін - удзельніц "Усходняга партнёрства"

Пасяджэнне Савета міністраў замежных спраў краін - удзельніц ініцыятывы "Усходняе партнёрства" сёння адбылося ў Люксембургу. У ім прыняў удзел і Уладзімір Макей. Ён адзначыў мэтазгоднасць захавання і развіцця "Усходняга партнёрства" як ініцыятывы, накіраванай на атрыманне канкрэтных вынікаў. І выказаўся за развіццё ўзаемадзеяння паміж еўразійскай і еўрапейскай інтэграцыйнымі платформамі. Кіраўнікі МЗС ЕС і шасці краін гэтай ініцыятывы - Азербайджана, Арменіі, Беларусі, Грузіі, Малдовы і Украіны – вялі падрыхтоўку саміту "Усходняга партнёрства", які павінен адбыцца 24 лістапада ў Бруселі.