Беларуска-расійская тэматыка на гэтым тыдні зноў набывае асаблівае гучанне на фоне V Форуму рэгіёнаў Беларусі і Расіі. Саюзныя пытанні апошнім часам часта абмяркоўваюцца ў прэсе. Гэта і зразумела, нягледзячы на шчыльны графік лідары дзвюх краін падтрымліваюць актыўны дыялог. Вось і на форуме ў Магілёве Аляксандр Лукашэнка і Уладзімір Пуцін сустрэнуцца ўжо трэці раз за няпоўныя два месяцы.
Настрой на пазітыўную дынаміку адзначаны і сёння на сустрэчы Кіраўніка дзяржавы з новым паслом Расiі ў Беларусі. Дарэчы, прызначэнне Міхаіла Бабіча таксама шырока абмяркоўвалася ў СМІ. Меркаванні абсалютна палярныя. Дыпламат атрымаў яшчэ і асаблівы статус спецпрадстаўніка па развіцці гандлёва-эканамічнага супрацоўніцтва. Практыка паказвае: давер і кампраміс у двухбаковых адносінах заўсёды перамагаюць. Дэталі саюзнага дыялогу - у Вольгі Макей.
Апошнім часам увага прэсы як ніколі прыкавана да Саюзнай дзяржавы. Шмат падстаў, вядома, даюць прэзідэнты: бачацца часта. Як раз напярэдадні прэс-службы беларускага і расійскага лідараў паведамляюць: 12 кастрычніка Аляксандр Лукашэнка і Уладзімір Пуцін сустрэнуцца зноў, гэтым разам у Магілёве. У графіку прэзідэнтаў і асобная асабістая сустрэча, але галоўнае - удзел у V Форуме рэгіёнаў дзвюх краін.
Гэтым разам форум юбілейны. За час існавання ўжо пацвердзіў статус галоўнай падзеі Саюзнай дзяржавы. У Магілёве чакаюць 20 расійскіх губернатараў: рэгіёны - ад Масквы да Ханты-Мансійска. Да падпісання рыхтуюць больш як 70 дакументаў аб супрацоўніцтве. У грашовым эквіваленце гэта дадатак паўмільярда долараў.
Вядома, у тым ліку і маючую адбыцца падзею саюзнага парадку Прэзідэнт Беларусі абмяркуе з паслом Расіі Міхаілам Бабічам. Два тыдні таму, прымаючы ад дыпламата вярыцельную грамату, беларускі лідар падкрэсліць: на новага пасла асаблівыя надзеі ў рэалізацыі ўсіх дамоўленасцяў Мінска і Масквы, улічваючы яшчэ і адмысловы статус спецпрадстаўніка прэзідэнта Расіі па развіцці гандлёва-эканамічнага супрацоўніцтва з Беларуссю. Гэты тэзіс прагучыць і сёння. І, нягледзячы на ўсе каментарыі, у некаторых СМІ на адрас персоны Міхаіла Бабіча і звязанай з гэтым будучыні адносін Беларусі і Расіі, бакі настроеныя выключна на пазітыў. Усім каментатарам беларускі лідар гаворыць публічна: "Не дачакаюцца!"
Прэзідэнты сустракаюцца сапраўды часта. Двойчы саюзны парадак дэталёва абмяркоўвалі ў Сочы, менш як 2 тыдні таму бачыліся на пляцоўцы СНД у Душанбэ. Кожны месяц стэлефаноўваюцца, як, напрыклад, у мінулую нядзелю.
Тады Аляксандр Лукашэнка асабіста павіншуе Уладзіміра Пуціна з днём нараджэння, але, нават нягледзячы на святочную падставу, прэзідэнты ўсё роўна абмяркоўваюць агульную эканоміку.
Такая частая зверка гадзіннікаў - як раз для таго, каб усё, як гадзіннік, і працавала, а дамоўленасці выконваліся. І як бы ні хацелася камусьці пісаць, што саюзнае мора штарміць, раскалыхаць агульную лодку не выйдзе. І ўжо тым больш не выйдзе павярнуць Беларусь альбо да Усходу, альбо да Захаду. Такога выбару перад краінай не стаіць, аб гэтым неаднаразова гаварыў Прэзідэнт.
Наогул, Беларусь для Расіі - чацвёрты гандлёвы партнёр сярод усіх краін свету, апярэджваюць толькі Кітай, Германія і Нідэрланды. З краін СНД Беларусь і зусім лідар. За першыя паўгода ў агульнай скарбонцы тавараабароту ўжо больш як 23 мільярды долараў. Пры 32 за ўвесь мінулы год.
У Беларусі цесныя кантакты з 80-ю рэгіёнамі Расіі з 85. З пачатку года нашу краіну наведалі больш як 70 дэлегацый з розных гарадоў суседняй краіны. Але найважнейшае - больш як 8 тысяч прадпрыемстваў дзвюх краін звязаныя вытворчай кааперацыяй. Гэта ўзаемныя пастаўкі сыравіны і камплектуючых. Сёння цяжка знайсці хоць адзін рэгіён Расіі, дзе не было б беларускіх тавараў або машын. Як прыклад - Мурманская вобласць.
Форум рэгіёнаў Беларусі і Расіі як раз для таго, каб умацаваць кантакты. Дзе яшчэ асабіста могуць сустрэцца губернатары, кіраўнікі раёнаў, кіраўнікі прадпрыемстваў і бізнес! А для прэзідэнтаў - гэта яшчэ і магчымасць мець зваротную сувязь: пачуць прапановы, даведацца, у якіх яшчэ сферах ёсць агульны інтарэс. Усе пытанні дэталёва абмяркуюць на пленарным пасяджэнні форуму. Яго прысвецяць развіццю рэгіянальнага супрацоўніцтва, бо гэта і ёсць самы моцны падмурак саюзнага будаўніцтва.
