Як чакаецца, склад Савета Рэспублікі прыкметна абновіцца

Сёння Цэнтрвыбаркам Беларусі зарэгістраваў кандыдатаў у верхнюю палату парламента - Савет Рэспублікі. Галасаванне па прэтэндэнтах на месцы сенатараў пройдзе ў дзень выбараў, 7 лістапада, на пасяджэннях дэпутатаў мясцовых Саветаў базавага ўзроўню і Мінгарсавета. Як чакаецца, склад Савета Рэспублікі прыкметна абновіцца: напрыклад, у Магілёўскай вобласці сярод кандыдатаў няма ні аднаго чалавека, які раней працаваў бы ў парламенце.

Рэгістрацыя кандыдатаў у дэпутаты Палаты прадстаўнікоў

Паралельна працягваецца рэгістрацыя прэтэндэнтаў у Палату прадстаўнікоў. Дэпутатамі пажадалі стаць 703 чалавекі. Самы вялікі конкурс - у Мінску, больш за 8 вылучэнцаў на месца. Пасля 17 кастрычніка Цэнтрвыбаркам аб'явіць канчатковыя лічбы, колькі кандыдатаў будуць змагацца за дэпутацкае крэсла ў парламенце.

Прычыны адмовы ў рэгістрацыі

Сярод самых распаўсюджаных прычын для адмовы ў рэгістрацыі прэтэндэнту, які балатуецца ў парламент, - прызнанне несапраўднымі больш як 15 % ад колькасці правераных подпісаў, а таксама недакладныя звесткі, паказаныя ў дэкларацыі аб прыбытках.