Вынікі галасавання. Цэнтрвыбаркам аб’явіў вынікі выбараў у парламент

22 Лістапада 2019
Усе 110 дэпутатаў Палаты прадстаўнікоў, абраныя ў нядзелю, могуць пачынаць працаваць. Цэнтрвыбаркам аб’явіў афіцыйныя вынікі выбараў. Пасяджэнне праходзіць у гэтыя хвіліны. Такім чынам, у Беларусі зарэгістраваны новы - сёмы - склад ніжняй палаты парламента. Як адзначыла кіраўнік ЦВК Лідзія Ярмошына, падстаў пераглядаць вынікі пасля зваротаў, якія паступілі, не знойдзена. Выбары прайшлі пад татальным кантролем пры рэкорднай колькасці міжнародных назіральнікаў, а на негатыўныя ацэнкі гэтай палітычнай кампаніі ад АБСЕ даў адказ Цэнтрвыбаркам. 

Сёння ж Цэнтрвыбаркам зацвердзіў дату першай сесіі для новага склікання. У Авальнай зале дэпутаты збяруцца 6 снежня. З гэтага моманту парламентарыі 6-га склікання складуць свае паўнамоцтвы.