Італія не пашкадуе намаганняў для абуджэння "духу Хельсінкі". Пра гэта заявіў Міністр замежных спраў Італіі Анджэліна Альфана, каменціруючы прыярытэты італьянскага старшынства ў АБСЕ ў 2018 годзе.
З прапановай пачаць у арганізацыі дыскусію аб неабходнасці новага Хельсінкскага працэсу выступіў Прэзідэнт Беларусі Аляксандр Лукашэнка 5 ліпеня на пленарным пасяджэнні, прысвечаным адкрыццю 26-й сесіі ПА АБСЕ ў Мінску. Адзначалася, што новы Хельсінкскі працэс садзейнічаў бы заключэнню вядучымі сусветнымі дзяржавамі нейкага глабальнага дакумента, паставіў бы кропку ў халоднай вайне, якая даўно завяршылася, выключыўшы магчымасць яе аднаўлення і перарастання ў больш трагічную форму.
