Палітыкі і назіральнікі адзначаюць, што актыўнасць руху "жоўтых камізэлек" у Францыі ідзе на спад. Але, па меркаванні палітолагаў, выбаршчыкі ў агульнай масе вельмі незадаволеныя прэзідэнтам краіны Эмануэлем Макроном, які не задаволіў іх запыт на "новага чалавека". Назапасіліся і праблемы, звязаныя, у тым ліку, з разрывам паміж сталіцай і рэгіёнамі. І ўсё ж незадаволеныя, верагодна, пачынаюць усведамляць, што гвалт - не метад вырашэння праблем.
Зрэшты, была на гэтым тыдні і прыемная падстава для нашай здымачнай групы. На папулярным курорце на захадзе Францыі Біярыцэ адкрылася 4-е ганаровае віцэ-консульства. У чацвер ва ўрачыстай абстаноўцы пасол нашай краіны ў Францыі Павел Латушка ўручыў ганароваму віцэ-консулу Патрыку Дурсу флаг і герб Беларусі.
У кампетэнцыю дыпламата будуць уваходзіць пытанні, звязаныя з яго дзейнасцю ў дэпартаменце Атлантычныя Пірэнеі рэгіёна Новая Аквітанія. Само ж прадстаўніцтва ўжо гатова ўдзельнічаць у арганізацыі бізнес-форумаў, прэзентацый, спрыяць заключэнню пагадненняў аб супрацоўніцтве і проста аказваць садзейнічанне нашым грамадзянам. Аб прасоўванні нашых інтарэсаў і пазнавальнасці Беларусі ў краінах Заходняй Еўропы наш карэспандэнт пагутарыла з паслом Беларусі ў Францыі Паўлам Латушкам (відэа).
