У Мінску стартавала канферэнцыя, прысвечаная стратэгічным прыярытэтам Саюзнай дзяржавы. Сярод пытанняў - процідзеянне дэструктыўным поглядам і негатыўнаму ўплыву Інтэрнэту. Але найважнейшым момантам форуму застаецца эканамічная бяспека.
Сяргей Рахманаў, старшыня Пастаяннай камісіі Савета Рэспублікі Нацыянальнага сходу Беларусі: "У першую чаргу нам трэба займацца сур'ёзна інавацыйнай сферай. Нам трэба, акрамя таго, што ў нас ёсць у эканоміцы, дадаткова развіваць кірункі, звязаныя з высокімі тэхналогіямі. Калі мы гэтага не зробім, нам будзе цяжка дабіцца задач, што пастаўленыя кіраўніцтвам краіны. Нам трэба павялічваць ВУП, дыверсіфікаваць вытворчасць, знешнія рынкі".
Абмеркавалі і саміт ШАС, у якім прымуць удзел лідары Беларусі і Расіі.