Сёння на савеце Палаты прадстаўнікоў дэпутаты абмеркавалі падрыхтоўку да новага сезона. Чакаецца, што 14 законапраектаў будуць узгоднены ў першым чытанні, яшчэ 17 - у другім. Таксама запланавана ратыфікацыя трох міжнародных дакументаў і прыняцце Кодэкса аб культуры. Асаблівую ўвагу дэпутаты збіраюцца надаць рашэнням, звязаным з эканамічным развіццём краіны. Сёння парламентарыі абмеркавалі і планы па міжнародным узаемадзеянні. У Палаце прадстаўнікоў спадзяюцца на аднаўленне статусу спецыяльнага запрошанага Беларусі ў Парламенцкай асамблеі Савета Еўропы. А ўжо ў лютым беларуская дэлегацыя прыме ўдзел у чарговай сесіі Парламенцкай асамблеі АБСЕ.
Актыўна прадоўжыцца і развіццё міжпарламенцкіх сувязяў з постсавецкімі краінамі, а таксама з дзяржавамі далёкай дугі, у тым ліку, з В'етнамам і Эквадорам. Кіраўнікі парламентаў дзвюх краін плануюць наведаць Беларусь сёлета.
