У найбліжэйшай будучыні беларускі парламент можа аднавіць статус спецыяльна запрошанага ў Парламенцкай Асамблеі Савета Еўропы. Пра гэта спікер Палаты прадстаўнікоў расказаў у праекце "Размова ў Прэзідэнта". Беларуская дэпутацыя рэгулярна запрашаецца на пасяджэнні камітэта па палітычных пытаннях і дэмакратыі. Чарговая сустрэча камітэта пройдзе ў пачатку кастрычніка і будзе прысвечана выбарам у Беларусі.
Ну а да гэтага цяперашні склад 2 кастрычніка адкрывае восеньскую сесію Нацыянальнага сходу. На парадку дня 60 праектаў законаў. 40 з іх ужо ў графіку для вынясення ў Авальную залу. Цэнтральным дакументам сесіі стане праект бюджэту - 2020. Гаворачы пра стыль работы дэпутацкага корпусу, спікер падкрэсліў: ён заўсёды быў прыхільнікам узважаных рашэнняў і стабільнай працы.
Ужо на наступным тыдні, 24 верасня, беларуская парламенцкая дэлегацыя возьме ўдзел у чацвёртай нарадзе спікераў парламентаў Еўразіі ў Нур-Султане. Яна будзе прысвечана пытанням бяспекі і захаванню стабільнасці ў рэгіёне. Скажам так, ужо профільныя для Беларусі тэмы.
