Лібералізацыя адміністрацыйнай адказнасці для бізнесу. Штрафаў будзе менш, а канфіскацыя - толькі ў выключных выпадках. Сёння беларускія парламентарыі прагаласавалі за папраўкі ў Адміністрацыйны і Працэсуальна-выканаўчы кодэксы. У шэрагу выпадкаў, напрыклад, за няправільна аформленыя дакументы штрафы заменяць папярэджаннем. Змяненні палепшаць інвестклімат і паскораць развіццё дзелавой ініцыятывы.
Вадзім Іпатаў, дырэктар Нацыянальнага цэнтра заканадаўства і прававых даследаванняў Беларусі: "Калі сёння бізнес-супольнасць гаворыць, што за малазначныя правапарушэнні канфіскуецца ўсё, і суб'ект гаспадарання ставіцца на грань банкруцтва, то ў дадзенай сітуацыі мы ўжо сёння гаворым аб тым, што, калі ўступіць закон у сілу, пытанне аб канфіскацыі не будзе ставіцца. Будзе ставіцца пытанне аб тым, што пакрыць дзяржаве і грамадству шкоду, якую ты нанёс, і працуй далей, і маёмасць, якая была тваёй, не будзе забірацца, тавар, які ты вязеш, і гэтак далей".
Беларусь выступае за перагляд схемы фарміравання тарыфаў на транзіт газу па тэрыторыі ЕАЭС для стварэння агульных падыходаў у гэтым пытанні. Аб гэтым было заяўлена сёння Мінэнерга ў парламенце. Сыход ад манаполіі Газпрама ў Беларусі магчымы з 2025 года пры стварэнні агульнага рынку газу Еўразійскага эканамічнага саюза.
