Беларуская дэлегацыя прымае ўдзел у 40-й сесіі Генеральнай канферэнцыі ЮНЕСКА

У Парыжы праходзіць 40-я сесія Генеральнай канферэнцыі ЮНЕСКА. У ёй прымае ўдзел дэлегацыя нашай краіны. Напярэдадні ў штаб-кватэры арганізацыі выступіў пасол Беларусі ў Францыі Ігар Фісенка. Ён адзначыў высокі ўзровень узаемадзеяння нашай краіны і ЮНЕСКА: гэта пацвярджае той факт, што толькі за апошнія паўгода Беларусь наведалі два намеснікі гендырэктара арганізацыі - Нада аль-Нашыў і Моес Чакчук. Яны прынялі ўдзел у цырымоніі адкрыцця ІІ Еўрапейскіх гульняў і міжнароднай канферэнцыі, прысвечанай барацьбе з тэрарызмам. Беларусь з'яўляецца членам ЮНЕСКА з 1954 года.