Беларусь са шкадаваннем успрыняла выхад ЗША з Дагавора аб ліквідацыі ракет сярэдняй і меншай далёкасці. Такую заяву зрабілі ў МЗС нашай краіны. Міжнародныя эксперты зараз выступаюць з заявамі, што свет на парозе новай гонкі ўзбраенняў. Падставай для дзеянняў Вашынгтона сталі нібыта сістэматычныя парушэнні ключавых палажэнняў з боку Масквы. Да таго Кітай ужо валодае істотным ваенным патэнцыялам і пры гэтым не прымае ўдзел у дагаворы. У расійскім МЗС дзеянні ЗША назвалі сур'ёзнай памылкай. І прапанавалі ЗША і НАТА аб’явіць мараторый на размяшчэнне РСМД, але без адказу. Генеральны сакратар ААН назваў сітуацыю "стратай перашкоды перад ядзернай вайной". А вось у НАТА наадварот падтрымалі рашэнне Вашынгтона. Сёння стала вядома, што Пентагон рыхтуецца выпрабаваць новую крылатую ракету, раней забароненую дагаворам. У Маскве ўжо заявілі пра гатоўнасць да дзеянняў у адказ і размяшчэння сваіх ракет бліжэй да меж ЗША.
Беларусь са шкадаваннем успрыняла выхад ЗША з Дагавора аб ліквідацыі ракет сярэдняй і меншай далёкасці
2 августа 2019