Наша прадстаўніцтва з гэтага часу ёсць і ў Біярыцы - папулярным курорце на захадзе краіны. Цырымонія інаўгурацыі адбылася напярэдадні ў мэрыі горада. Пасол Беларусі ў Францыі Павел Латушка ўручыў ганароваму віцэ-консулу ў Біярыцы Патрыку Дурсу флаг і герб нашай краіны. Адзначым, прадстаўніцтва гатова ўдзельнічаць у арганізацыі бізнес-форумаў, прэзентацый, спрыяць заключэнню пагадненняў аб супрацоўніцтве і проста дапамагаць нашым грамадзянам.
Прадстаўніцтвы Беларусі дзейнічаюць ужо ў Ліёне, Бардо і Марсэлі. Прасоўваць такім чынам пазнавальнасць нашай краіны ў Заходняй Еўропе плануюць і надалей. У перспектыве адкрыццё ганаровых консульстваў у Манака і Лісабоне.
