Беларусь у ААН заклікала свет адмовіцца ад ракет сярэдняй і малой далёкасці. Як адзначыў кіраўнік МЗС нашай краіны падчас выступлення на агульнай дыскусіі 74-й Генасамблеі, Мінск выступае за скарэйшую распрацоўку дэкларацыі аб неразмяшчэнні такіх ракет у Еўропе і адмову ад іх вытворчасці.
Уладзімір Макей, Міністр замежных спраў Беларусі: "У жніўні спыніў сваё дзеянне Дагавор аб ліквідацыі ракет сярэдняй і меншай далёкасці. Дагавор, які з'яўляўся адным з найважнейшых элементаў сучаснай раззбраенчай архітэктуры і сімвалаў заканчэння халоднай вайны. Гэта непазбежна пацягне за сабою рост напружанасці, новы віток палітычнай і ваеннай канфрантацыі, павышэнне рызыкі ядзернага апакаліпсісу. Менавіта таму мы выступаем за неадкладныя сумесныя дзеянні па захаванні дасягненняў ДРСМД у нашым агульным доме - на еўрапейскай прасторы".
Акрамя таго, Мінск заклікаў краіны ААН прыняць меры для гарантавання міжнароднай інфармацыйнай бяспекі: неабходна пашырыць міждзяржаўнае лічбавае супрацоўніцтва. Яно можа стаць асновай для выпрацоўкі міжнародных правіл адказных паводзін у віртуальнай прасторы.
