Беларусь можа адыгрываць актыўную ролю ў абнаўленні дыялогу паміж Усходам і Захадам

Беларусь можа адыгрываць актыўную ролю ў абнаўленні шырокамаштабнага дыялогу паміж Усходам і Захадам. Гэта сёння заявіў намеснік старшыні Палаты прадстаўнікоў Баляслаў Пірштук на сустрэчы са старшынёй дэлегацыі Еўрапарламента па сувязях з Беларуссю Богданам Здраеўскім. Беларусь зацікаўлена ў развіцці адносін з Еўрасаюзам і з'яўляецца надзейным партнёрам. Размова перш за ўсё аб ваенна-палітычнай, энергетычнай і экалагічнай стабільнасці, а таксама аб узаемадзеянні ў барацьбе са злачыннасцю і нелегальнай міграцыяй. Богдан Здраеўскі адзначыў, што для дасягнення канструктыўнага дыялогу неабходна працягваць удасканальваць адносіны паміж Беларуссю і еўрапейскімі інстытутамі. Ён нагадаў аб пазітыўнай дынаміцы ў развіцці Балонскага працэсу, фіта-санітарнага кантролю, а таксама дасягненні прагрэсу ў рамках сумеснага маніторынгу за якасцю атмасфернага паветра і па прафілактыцы надзвычайных здарэнняў.