Пра гэта заявіў сёння Міністр замежных спраў Беларусі Уладзімір Макей на пасяджэнні камітэта па супрацоўніцтве паміж урадамі абедзвюх краін. Развіваюцца кантакты па лініях міністэрстваў і ведамстваў, павялічваецца турыстычны абмен. У сваю чаргу Аб'яднаныя Арабскія Эміраты разглядаюць Беларусь як адну з самых дружалюбных ім дзяржаў.
Уладзімір Макей, Міністр замежных спраў Беларусі: "Мы з маім калегам пацвердзілі неабходнасць падтрымання высокай дынамікі палітычных кантактаў. Мы пацвердзілі гатоўнасць прыняць з візітам у Беларусі прадстаўнікоў кіраўніцтва Аб'яднаных Арабскіх Эміратаў, кіраўнікоў міністэрстваў і ведамстваў, прадстаўнікоў бізнес-супольнасці гэтай краіны".
Анвар Мухамед Гаргаш, Дзяржаўны міністр па замежных справах ААЭ: "Усе перамовы адбыліся ў духу супрацоўніцтва, у вельмі пазітыўным ключы. Мы па іх выніках падпісалі шэраг двухбаковых дакументаў. Хацеў бы адзначыць, што наша ўзаемадзеянне не спыняецца ні на хвіліну і ўмацоўваецца з года ў год".
Сёння ў Мінску быў падпісаны шэраг двухбаковых дакументаў аб супрацоўніцтве ў культуры, навуцы, адукацыі і страхаванні. Дзяржаўны міністр запрасіў беларускі бок наведаць у наступным годзе Абу-Дабі для правядзення чарговай сустрэчы.
