Наша краіна гатовая да супрацоўніцтва з усімі замежнымі партнёрамі на прынцыпах павагі, шчырасці і прыстойнасці. А адлюстраваннем адкрытай палітыкі стала цырымонія ў Палацы Незалежнасці.
Напярэдадні дадзены афіцыйны старт місіі ў Беларусі паслоў 10 дзяржаў. Прэзідэнт Аляксандр Лукашэнка прыняў даверчыя граматы дыпламатаў з краін ЕС, Азіі, Афрыкі і Цэнтральнай Амерыкі. Менавіта гэтыя людзі зараз будуць у нас прадстаўляюць інтарэсы сваіх дзяржаў і ўплываць на прасоўванне сумесных праектаў. Кіраўнік дзяржавы чарговы раз акрэсліў знешнепалітычныя арыенціры нашай краіны. Мы гатовыя да супрацоўніцтва з Захадам і Усходам, Поўначчу і Поўднем, а фундаментам адносін бачым толькі раўнапраўны дыялог.
Некаторым з паслоў прыйдзецца жыць на дзве краіны: Беларусь і Расію. Бо свае абавязкі яны будуць выконваць па сумяшчальніцтве. Кожны з дыпламатаў пачуў ад беларускага лідара прыярытэтныя кірункі супрацоўніцтва.
Прамысловасць, нафтахімія, будаўніцтва - асноўныя вектары ва ўзаемадзеянні з В'етнамам. З краінамі ЕС скіраваны на развіццё праектаў у гандлёва-інвестыцыйнай сферы. Інфраструктурныя праграмы прапануем Арменіі. Перспектыўным партнёрам у Цэнтральнай Амерыцы наша краіна лічыць Сальвадор. Гана можа стаць адным з апорных пунктаў супрацоўніцтва Беларусі з дзяржавамі Афрыкі.
