Да 2030 года мы разам можам зрабіць свет лепшым. Такое меркаванне выказала Наталля Канем, выканаўчы дырэктар фонду ААН у галіне народанасельніцтва. У Стакгольме на форуме па гендарнай роўнасці абмяркоўваюць і глабальны план аб захаванні міру і стабільнасці на планеце, які падтрымлівае наша краіна. У Беларусі дзейнічае Нацыянальны савет і каардынатар па дасягненні Мэт устойлівага развіцця. Поспехі нашай краіны ў Мэтах тысячагоддзя ўжо адзначылі на ўзроўні ААН: у нас самы нізкі ўзровень матчынай і дзіцячай смяротнасці, высокі ўзровень адукацыі. Пра найважнейшыя пункты для фонду ААН у галіне народанасельніцтва мы спыталі яго кіраўніка Наталлю Канем.
Форум па гендарнай роўнасці ў Стакгольме сабраў каля 600 палітыкаў, членаў міжнародных арганізацый, грамадскіх дзеячаў і медыяперсон з больш як 100 краін. Спікеры з самых розных рэгіёнаў у фармаце панэляў, круглых сталоў абменьваюцца вопытам, паднімаюць пытанні аховы здароўя, адукацыі і разважаюць на тэму гендарнай роўнасці, барацьбы з дыскрымінацыяй па любой прыкмеце. Падрабязны рэпартаж са Стакгольма глядзіце ў "Галоўным эфіры" ў гэтую нядзелю.
