У Беларусі і Малдовы склаліся добрыя адносіны, якія актыўна развіваюцца. Гэта адзначыў прэм'ер-міністр Андрэй Кабякоў на сустрэчы з кіраўніком малдаўскай дыпламатычнай місіі ў Беларусі Георге Хіаарэ. Дыпламат завяршае знаходжанне ў нашай краіне пасля 7 гадоў працы. За гэты час Мінск і Кішынёў значна павялічылі тавараабарот, быў рэалізаваны шэраг сумесных праектаў, у тым ліку па кааперацыі ў машынабудаванні і пастаўках віннай прадукцыі на наш рынак.
Таксама актывізаваўся і палітычны дыялог паміж краінамі. Лідары Беларусі і Малдовы сустракаліся ў Бішкеку падчас самітаў ЕАЭС і АДКБ. А ўжо ўлетку ў Мінску чакаюць з візітам прэзідэнта Малдовы.
