Беларусь - Расія: поспех міжрэгіянальнага супрацоўніцтва
Беларускі лідар атрымаў запрашэнне наведаць Уладзівасток у верасні. Да гэтага часу там адкрыецца і Беларускі гандлёвы дом. Аб новых перспектыўных праектах, якія даюць вынік, гаварылі напярэдадні на сустрэчы Аляксандра Лукашэнкі з дэлегацыяй Прыморскага края. Эканамічныя сувязі Беларусі з гэтым даўнім партнёрам на Далёкім Усходзе мацнеюць. З-за пандэміі тавараабарот трохі прасеў, але паказчыкі студзеня гавораць аб шанцы не толькі выйсці на ранейшы ўзровень, але і перасягнуць яго.Кірункі супрацоўніцтва з Прыморскім краем
Сярод ключавых кірункаў - машынабудаванне і пастаўкі харчавання. У расійскага рэгіёна ёсць інтарэс да напрацовак і тэхналогій беларускай будаўнічай галіны. У прыватнасці, па прыцягненні нашых спецыялістаў да праектавання і ўзвядзення жылля, аб'ектаў сацыяльнай сферы.Аляксандр Лукашэнка, Прэзідэнт Рэспублікі Беларусь: "Мы разам нацэлены на пэўны вынік. І нам не можа перашкодзіць ні пандэмія, ні знешнія спробы расхістаць палітычную сітуацыю ні ў нас, ні ў вас. Падзеі апошніх месяцаў паказалі, што ў нялёгкія моманты выпрабаванняў, падкінутых нам звонку, абедзве краіны могуць разлічваць на падтрымку і дапамогу".
