Аляксандр Лукашэнка прызначыў двух памочнікаў Прэзідэнта

Інспектарам па Мінску стаў Віталь Прыма. Адказваць за Брэсцкі рэгіён на пасадзе памочніка з гэтага часу будзе Анатоль Маркевіч - раней ён быў кіраўніком Навагрудскага раёна. Прызначаючы на гэтыя пасады, Аляксандр Лукашэнка адзначыў, што задачы для кожнага раёна падобныя. І першым чынам пытанне нумар адзін - гэта эканоміка, ад яе залежыць дабрабыт беларускіх сем'яў. Таксама сёння прызначаны намеснік кіраўніка спраў Прэзідэнта. Ім стаў Андрэй Свірыдаў. Кадравыя рашэнні закранулі і дыпламатычны корпус. Прызначаныя некалькі новых паслоў. Прадстаўляць інтарэсы Беларусі ў Іспаніі і па сумяшчальніцтве працаваць пастаянным прадстаўніком краіны пры Сусветнай турысцкай арганізацыі будзе Павел Пуставой. Кіраўнік дыпмісіі ў Польшчы з гэтага часу Уладзімір Чушаў. Акрамя таго, Надзвычайны і Паўнамоцны Пасол Беларусі ў Аўстрыі, пастаянны прадстаўнік Беларусі пры міжнародных арганізацыях у Вене Алена Купчына будзе таксама прадстаўляць інтарэсы краіны ў Славеніі, у АБСЕ.