Адміністрацыю Прэзідэнта з гэтага часу ўзначальвае Ігар Сергяенка, яго намеснікам стала Вольга Чупрыс

Выбудоўваць палітыку будучыні трэба будзе і новым прызначэнцам. Сёння Прэзідэнт прыняў важныя кадравыя рашэнні.

Так, Адміністрацыю Прэзідэнта з гэтага часу ўзначальвае Ігар Сергяенка. Да сённяшняга дня - першы намеснік Старшыні КДБ Беларусі. Яго намеснікам стала Вольга Чупрыс, якая раней займала пасаду прарэктара БДУ. Прызначэнцы - людзі дасведчаныя. А таму хутка асвояцца на сваіх новых рабочых месцах. Ігара Сергяенку беларускі лідар назваў не проста добрым спецыялістам, а сапраўдным патрыётам. І важна, што менавіта такія людзі будуць кіраваць, па сутнасці, палітычным штабам Прэзідэнта. Вольга Чупрыс будзе, у прыватнасці, курыраваць пытанні заканадаўчага рэгулявання. 


Ужо экс-кіраўніцтва Адміністрацыі Прэзідэнта без працы, вядома, не застанецца. Наталля Качанава накіраваная ў Савет Рэспублікі - яна зойме адно з 8 месцаў па квоце Прэзідэнта. Аляксандр Лукашэнка разлічвае, што яе сенатары падтрымаюць на пасаду старшыні верхняй палаты парламента. Акрамя таго, Прэзідэнт прыняў рашэнне накіраваць у Савет Рэспублікі па сваёй квоце Міхаіла Русага, Анатоля Ісачанку і Сяргея Рачкова. Былы намеснік кіраўніка Адміністрацыі Валерый Міцкевіч, пройдучы выбарчую кампанію, увайшоў у склад Палаты прадстаўнікоў. 

Змяненні ў штабе Кіраўніка дзяржавы для шматлікіх некалькі нечаканыя. А таму, апярэджваючы магчымыя пагалоскі, адзначым: у кадравым абнаўленні няма нічога надзвычайнага. Ратацыя і пераемнасць - характэрная рыса кадравай палітыкі ў краіне.