"Залатая ракетка" адкрывае будучых зорак беларускага тэніса. Турнір пры падтрымцы Прэзідэнцкага спартыўнага клуба сёлета аб'яднаў юных майстроў ракеткі ва ўзросце да 12 гадоў. Прычым каманды, а на старце спаборніцтваў іх 16, прадстаўляюць практычна кожны рэгіён нашай краіны. У другі этап, а матчы стадыі праходзяць у гэтым месяцы, прабіліся 12 тэнісных калектываў.
4 каманды па выніках другога этапу спаборніцтваў пройдуць у фінальны турнір, які ў лістападзе прымуць сталічныя корты. Нагадаем, пераможцамі першага розыгрышу "Залатой ракеткі" летась сталі юныя тэнісісты са школы "Сонечны" Валожынскага раёна.













