Як горад мяняецца на вачах - убачыла Вольга Халадовіч.
Жлобін зараз нагадвае вялікі мурашнік, дзе кожны працуе на агульны вынік. Тут будуюць, рамантуюць, добраўпарадкоўваюць. Адзін трыльён дзвесце мільярдаў рублёў будуць выдаткаваныя на 300 аб'ектаў.
Зараз тут працуюць прыкладна тры тысячы чалавек. Гэта будаўнікі і камунальнікі з усіх раёнаў Гомельскай вобласці, а таксама з іншых рэгіёнаў краіны. Гавораць, прыкладна трэць з таго, што трэба зрабіць, ужо гатовая. Астатняе абяцаюць паспець здаць у тэрмін.
Так маштабна Жлобін мяняўся толькі ў тыя часы, калі тут з'явіўся Беларускі металургічны завод. Праўда, тады ў будаўнікоў сышло на ператварэнне гарады некалькі гадоў. Зараз у іх для гэтага было ўсяго шэсць месяцаў.
Яшчэ ў пачатку сакавіка тут была проста пустка - зараз замест яго 10-павярховая гасцініца на 114 месцаў. Зусім побач - зала гульнявых відаў спорту. Яна будзе разлічаная на паўтары тысячы месцаў плюс трыбуны - тут будуць праходзіць спартыўныя спаборніцтвы як рэспубліканскага, так і міжнароднага ўзроўню.
І днём, і ўначы. На большасці аб'ектаў будаўнікі працуюць у тры змены. У начны час выконваюць тое, што не дазваляе зрабіць сонцапёк. Разам з будаўнікамі ў горадзе працуюць і камунальнікі. Бо трэба не толькі пабудаваць, але добраўпарадкаваць тэрыторыю. Як гавораць мясцовыя жыхары, цяперашняя сталіца павінна быць сапраўды не горш за папярэднюю.
