Рэпартаж Антаніны Станкевіч.
Маленькая Дзіна, напэўна, яшчэ не ведае такога слова - суботнік. Але на прапанову старэйшай сястры выйсці дапамагчы яе класу згадзілася адразу. Нягледзячы на ўзрост, зусім маленькая дзяўчынка па-даросламу спраўляецца з граблямі і сухім лісцем. Ды і знаходзіцца ў адной кампаніі са старшакласнікамі прыемна.
Гэта ці тое парк, ці тое алея ў Чэрвені - адно з любімых месцаў дзяцей і падлеткаў горада. Школьнікі самі пасадзілі тут дрэвы, а вось цяпер самі наводзяць чысціню. Летам тут разгорнуцца футбольныя баталіі - і дзеці самі захацелі, каб было прыгожа, чыста і ўтульна.
А вось гэты аб'ект павінен стаць любімым у горадзе. Свайго фізкультурна-аздараўленчага комплексу з басейнам Чэрвеню не хапае.
Папрацаваць на гэтым аб'екце выйшлі не толькі мясцовыя жыхары, але і кіраўніцтва Цэнтральнага рэгіена. Разам - кажуць людзі - і справа робіцца больш хуткай і весела.
Таксама працуюць людзі сёння па ўсім цэнтральным рэгіене. Каб разам зрабіць свой дом, вёску ці горад прыгажэйшым.
Жыхары цэнтральнага рэгіёну сёння наводзілі парадак
12 апреля 2014
Жыхары цэнтральнага рэгіёну сёння наводзілі парадак ля сваіх дамоў і працавалі на будаўніцтве значных аб'ектаў. Жыхары Чэрвеня падчас рэспубліканскага суботніка выйшлі на добраўпарадкаванне новага басейна. У добраўпарадкаванні ўдзельнічала і кіраўніцтва вобласці, у тым ліку губернатар Сямён Шапіра. У парадак прыведзены газоны, клумбы і выкладзена плітка на будучых пешаходных дарожках.