Да 1 ліпеня ў беларусаў, якія валодаюць зброяй, ёсць такі выбар. Згодна з указам Прэзідэнта аб рэгістрацыі грамадзянскай зброі, уладальнікі змогуць законна яе захаваць. Гэтая кампанія ў Беларусі прадоўжыцца яшчэ крыху больш чым месяц. І сама працэдура па кішэні не ўдарыць. Усім, хто паспее зарэгістраваць зброю да 1 ліпеня, гэта будзе каштаваць 300 тысяч рублёў. А вось пасля названай даты захаваць арсенал на законных падставах будзе ўжо немагчыма. Карына Пашкова пра ўсе нюансы новых правіл.
Газавы пісталет у міліцыю Аляксандр вырашыў здаць цалкам усвядомлена. Падарунак старых сяброў. Малады чалавек вучыцца ў адной са сталічных ВНУ і захапляецца баявымі мастацтвамі. Паляваннем ніколі не цікавіўся і абараніць сябе і блізкіх, гаворыць, можа і без зброі.
Але для тых, хто расставацца з дзядулевым карабінам або такімі сур'ёзнымі падарункамі сяброў не збіраецца, да 1 ліпеня ёсць магчымасць зарэгістраваць зброю. У гэты час дзверы міліцыі заўсёды адчыненыя. Трэба толькі прыйсці ў любое аддзяленне і напісаць заяву. Уся працэдура будзе каштаваць ўсяго 300 тысяч рублёў.
Дзмітрый Чырко, інспектар па дазвольнай працы Фрунзенскага РУУС Мінска: Супрацьпаказаннем да валодання зброяй у грамадзяніна з'яўляюцца псіхічныя захворванні, прыцягненні да крымінальнай адказнасці і артыкулы закона аб зброі, дзе забараняецца грамадзяніну валодаць агнястрэльнай зброяй. Працэдура ўся займае каля пяці хвілін, атрыманне сертыфіката - каля месяца.
Правераць стрэльбы і пісталеты і па міліцэйскіх зводках. Калі ў падобных яны не лічацца, арсенал адправяць у камітэт судэкспертыз, дзе ўжо спецыялісты падрыхтуюць сертыфікат якасці.
Дзмітрый Соладаў, намеснік начальніка ўпраўлення, ліцэнзавання і сертыфікацыі Дзяржаўнага камітэта судовых экспертыз Беларусі: У адпаведнасці з патрабаваннем стандарту мы правяраем наяўнасць пэўнай маркіроўкі, таксама адпаведнасць памераў патронніка, дыяметр канала ствалоў, добрае функцыянавання частак і механізмаў і трываласць пры стральбе і пасля яе.
У выпадку наразной зброі праваахоўнікам прыйдзецца вывучыць і яе гісторыю. Калі ў крымінале боепрыпасы не ўдзельнічалі, тады можна будзе гаварыць аб іх сертыфікацыі і наступнай рэгістрацыі. Зразумела, пры ўмове, што і ўсе астатнія параметры будуць у парадку.
Пасля таго як уладальнікі здалі свой арсенал, зброя трапляе сюды. У першую чаргу яго правяраюць на наяўнасць усіх неабходных маркіровак. Адбываецца гэта прыкладна так. Нумар на ствале і ствольнай каробцы павінен абавязкова супадаць.
Як правіла, за тэорыяй стаіць практыка. Пісталеты і карабіны адпраўляюць на адстрэл. Калі ўсе этапы праверкі пройдзены без якіх-небудзь заўваг, тады і выдаюць сертыфікат. І ўжо з дакументам зброю вяртаюць уладальніку. І, напэўна, не лішнім будзе нагадаць: за незаконнае захоўванне або нашэнне зброі - да 12 гадоў пазбаўлення волі, пры ўдалым збегу акалічнасцяў магчымы штраф.
