Заснавальнік дабрачыннага праекта "Дабро рабі" ўзяты пад варту. Выхадзец Віцебска некалькі гадоў бессаромна зарабляў на міласэрнасці. Яго фіктыўны добры марафон нібы збіраў грошы на падтрымку сірот. А ў рэальнасці быў крыніцай узбагачэння свайго стваральніка. Як мінімум 45 мільенаў рублеў, якія пералічылі на падтрымку маленькіх беларусаў, пайшлі ў асабістую кішэню. Падрабязнасці ў Вольгі Маслоўскай.
На адрас дзіцячай музычнай студыі Мінска электронныя лісты з просьбай матэрыяльна дапамагчы дзецям-сіротам прыходзілі некалькі разоў. Спачуванне не дазволіла адправіць паведамленне ў кошык. З рахунку творчай майстэрні на адрас дабрачыннага фонду быў пералічаны адзін мільен рублеў.
Алена Мароз, дырэктар музычнай студыі: "Яны прысылалі лісты, што патрабуецца дапамога на арганізацыю дзіцячай паездкі "Пакажы дзецям радзіму". І нейкія сумы невялікія на арганізацыю харчавання. Абяцалі даслаць дамову і акт выкананых работ, але ніхто нічога не даслаў".
Падобныя лісты-просьбы атрымлівалі шматлікія прадпрыемствы і арганізацыі ў розных рэгіенах краіны - ад невялікіх прыватных фірм да буйных прадпрыемстваў і банкаў. Ніхто з кіраўнікоў не падазраваў, што пералічваючы грошы на дабрачыннасць, яны фактычна спансіравалі аднаго чалавека - хвацкага выхадца Віцебска Дзяніса Тамашэвіча.
Тыя ж, хто здолеў раскусіць злачынную схему, не сталі даводзіць да агульнага ведама. Аферыст сумысна прасіў пра невялікія, на меркі прадпрыемстваў, сумы. Праз некалькі сотняў тысяч рублеў ашуканыя мецэнаты ў міліцыю не звярталіся.
Псеўдадабрачынны праект "Дабро рабі" дзейнічаў некалькі гадоў, але першая заява ад пацярпелых паступіла толькі ў верасні мінулага года.
Іна Гарбачова, афіцыйны прадстаўнік УСК Беларусі па Віцебскай вобласці: "Неабходна адзначыць, што абвінавачаны выбіраў арганізацыі выпадковым чынам, выкарыстоўваючы даведнікі прадпрыемстваў і каталогі арганізацый, прадстаўленых у Рэспубліцы Беларусь. Зараз у следчыя органы звярнулася 29 арганізацый, заснавальнікі якіх пацярпелі ад дзеянняў абвінавачанага. Але мы мяркуем, што іх значна больш".
Агульная сума прысвоеных сродкаў - больш за 45 мільенаў рублеў. Стваральнік злачыннай схемы арыштаваны. Цікаўна, што зарабляць на міласэрнасці не грэбаваў былы выхаванец дзіцячага дому. Калі віна будзе даказаная, то яму пагражае да сямі гадоў пазбаўлення волі.
