Запуск наступнага касмічнага грузавіка "Прагрэс МС", запланаваны на пачатак лютага, могуць перанесці. Такое рашэнне будзе прынята, калі прычыны ўчарашняй аварыі не ўсталююць да канца студзеня. Паводле слоў экспертаў, расследаванне крушэння апарата можа заняць некалькі месяцаў.
Нагадаем, грузавы карабель "Прагрэс", які ўчора стартаваў з касмадрома Байканур, падарваўся ў паветры на вышыні 190 кіламетраў над Тувай. Вялікая частка яго абломкаў згарэла ў шчыльных пластах атмасферы. Адна з асноўных версій надзвычайнага здарэння - праблемы з рухавіком трэцяй ступені ракеты-носьбіта "Саюз". "Прагрэс" павінен быў даставіць на МКС дзве з паловай тоны грузу, уключаючы прадукты, ваду і кісларод. У "Раскосмасе" адзначаюць, што для касманаўтаў страта грузавіка не крытычная - на станцыі ёсць запас усяго неабходнага на некалькі месяцаў наперад.
