Прамую трансляцыю з Авальнай залы вёў тэлеканал Беларусь 1 і Першы нацыянальны канал Беларускага радыё. Надзённыя тэмы заўсёды бяруць за жывое, таму і рэакцыя на Пасланне Прэзідэнта рушыла ўслед неадкладна. Сталічныя бізнесмены, палітолагі, чыноўнікі і простыя грамадзяне, пераварыўшы інфармацыю, якая была выкладзеная больш чым даступна і лаканічна, працягваюць бурнае абмеркаванне.
Першыя меркаванні - у нашага карэспандэнта Кацярыны Шыбко пра тое, што важна і хвалюе абсалютна ўсіх. У сваім Пасланні Прэзідэнт закрануў кожную сферу грамадства асобна і гаварыў аб канкрэтных планах развіцця дзяржавы ў цэлым. У першую чаргу акцэнт быў зроблены на абнаўленне краіны. І тут, бадай, кожны прадпрымальнік і кіраўнік прадпрыемства вынес галоўнае - мадэрнізацыя вытворчасці, стварэнне канкурэнтаздольнай прадукцыі і ўменне яе прадаваць. Эксперты ў эканоміцы ідэю, агучаную Прэзідэнтам: урад павінен стаць адным вялікім міністэрствам гандлю, тут жа падмацавалі канкрэтнымі прапановамі. Гаворачы аб развіцці эканомікі, Прэзідэнт таксама адзначыў, што неабходна шукаць новыя рынкі збыту. У якасці прыкладу прывёў Афрыку. Доктар эканамічных навук Ірына Новікава гэтай тэме прысвяціла адну са сваіх навуковых прац. І тут важна стварэнне новых вытворчасцяў і тэхналогій, у тым ліку з прыцягненнем фундатараў тых, якія гатовыя рэальна працаваць і забяспечваць годную зарплату. У якасці станоўчага прыкладу Аляксандр Лукашэнка прывёў сумесны праект Белкамунмаша і швейцарскай кампаніі Штадлер. Яны стварылі прадпрыемства па вытворчасці ў Мінскай вобласці чыгуначнага і гарадскога транспарту. Пасланне Кіраўніка дзяржавы традыцыйна слухалі і студэнты. На пытанні, якія больш за ўсё хвалявалі моладзь, былі атрыманыя вычарпальныя адказы. Гаворка ішла аб павышэнні стыпендый, працаўладкаванні і, вядома, падтрымцы таленавітай моладзі. Гэтаму пытанню Прэзідэнт надаў асаблівую ўвагу. І прапанаваў ураду больш цесна працаваць з Беларускім рэспубліканскім саюзам моладзі. А, значыць, праектаў, якія дадуць рэальны шанц і дазволяць вызначыць лепшых, стане больш. На першай кнопцы сёння быў уключаны тэлевізар і ў вайскоўцаў, і ў прадстаўнікоў культурнай эліты. І, бадай, самае галоўнае, адзначыў Кіраўнік дзяржавы, гэты Год беражлівасці - магчымасць не толькі, як гаворыцца, захаваць і максімальна прымножыць - навучыцца шанаваць тое, што самі ж зарабляем.
