Чаму цэнтр беларускай сталіцы стане галоўным месцам святочных мерапрыемстваў, ведае Юлія Чаргінец.
Чым больш вядуцца раскопкі на Замчышчы - гістарычным цэнтры сталіцы - тым больш узнікае загадак. Хоць самае старажытнае каменнае збудаванне Мінска гісторыкі знайшлі яшчэ ў 49-м. Але і на сёння невядома, чаму яго ўзвядзенне завяршылася на ўзроўні падмурка.
Падмурак праваслаўя і ўвогуле гісторыі сталіцы археолагі раскапалі яшчэ паўстагоддзя таму. Першы каменны храм Мінска захаваўся на вышыні паўтара метра, зараз жа знаходзіцца тут, на беразе Свіслачы на глыбіні пяці метраў і мае над сабой эстэтычнае аздабленне.
Палітычныя інтрыгі 11 стагоддзя замарозілі будоўлю. Падмурак стаў некропалем, пасля над ім прайшлі драўляныя маставыя. Праз стагоддзі, ужо ў савецкі час гарадзішча зраўнавалі пад плошчу 8 Сакавіка і зрабілі аўтобусную станцыю. Узнік і спартыўны комплекс.
Месца храма, па сутнасці, і стала вытокам мінскай гісторыі. Але гэтай версіі ёсць альтэрнатыва - шэраг вучоных дыскутуе. Мінск распачаўся за 16 кіламетраў ад сённяшняй сталіцы - з гарадзішча на рацэ Менка.
Раскопкі ўжо нашага часу паказалі, што на гэтым месцы былі цалкам пабудаваныя цэрквы. Драўляныя. Пакуль гістарычны цэнтр не стаў месцам вялікага пажарышча. І менавіта тут будзе вызначана месца для закладвання памятнай граматы, у знак 1025-годдзя Хрышчэння Русі.
Мінск завяршае святкаванне даты Хрышчэння Русі. Чакаецца прыезд сямі прадстаяцеляў праваслаўных цэркваў свету. У сталіцу спецыяльным цягніком з Кіева будзе дастаўлена адна з самых важных хрысціянскіх святынь - крыж апостала Андрэя Першазваннага.