У вадзіцеляў з надыходам вясны зноў галаўны боль. Ям на дарогах сталіцы становіцца ўсё больш. Аўтаінспектары канстатуюць, што з-за дрэннага стану дарожнага палатна аварыйнасць ў Мінскім раёне і сталіцы расце. На жаль, ямачны рамонт - толькі часовая мера.
Па чым прыходзіцца ездзіць і як дарожнікі маюць намер змагацца з гэтай бядой, раскажа Юрый Шаўчук.
Цудам выратаваліся, але чамусьцi збеглі з месца ДТЗ. На 1-м кіламетры знешняга кальца МКАД Mitsubishi, як мяркуецца, з-за дрэнных умоў надвор'я або ямы на дарозе, вылецела ў кювет. Вадзіцель, відаць, спрабуючы пазбегнуць сутыкнення са слупам, рэзка вывернуў руль. У выніку машына перакулілася.
На жаль, у пачатку вясны падобныя аварыі сталі сумнай статыстыкай ў зводках ДАІ. У лепшым выпадку аўтамабіліст можа пашкодзiць кола у сваёй машыне. Разбітая падвеска, сагнутыя дыскі, прабітыя амартызатары - усё гэта стала апошнім часам неад'емнай часткай аўтаруху на дарогах сталiцы.
Ускладняе сітуацыю на дарогах Мінска яшчэ і тое, што снег цалкам так і не растае. Пацяпленнi, якія пераходзяць у замаразкі, па чарзе ператвараюць дарожнае палатно то ў галалёд, то y шэраг ям. Сталiчныя вадзiцелi ад такіх вясёлых горак ужо зусім стаміліся.
Дарожныя службы горада робяць усё, што ў іх сілах, але ў адзін момант вырашыць усе праблемы з разбітымі дарогамі яны пакуль не могуць. Ямачны рамонт дарожнага палатна не выйсце з сітуацыі. Не выключана, што ўжо зусім хутка на гэтым жа ўчастку дарогі з'явіцца ўжо новая брыгада дарожнікаў. Кожны вадзiцель ведае, што такія меры можна лічыць толькі часовымі.
Але магчыма ўжо хутка дарожная праблема стане не такой вострай для сталіцы і раёна. Плануецца, што ў бягучым годзе толькі на рамонт дарог у Мінскім раёне будзе выдзелена 50 мільярдаў рублёў. І аварый, прычынай якіх сталі ямы і калдобіны, стане крыху менш.
