700 000 рэспіратараў перадалі Міністэрству аховы здароўя Epam і Wargaming

700 000 рэспіратараў перадалі Міністэрству аховы здароўя прадстаўнікі кампаній - рэзідэнтаў Парка высокіх тэхналогій Epam і Wargaming. Маскі-фільтры ад сусветнага вытворцы 3М сёння раніцай паступілі на склад прадпрыемства "Белмедтэхніка". Гэтыя сродкі абароны рэкамендаваныя САЗ для медперсаналу пры аказанні дапамогі хворым на каранавірусную інфекцыю.

Барыс Андрасюк, намеснік міністра аховы здароўя Беларусі: "Гэта сродкі абароны, якія зараз востра неабходныя, якія вельмі хутка разыходзяцца з ростам эпідэміі. Хачу выказаць словы падзякі людзям, якія неабыякавыя, якія выказваюць сваю актыўную жыццёвую пазіцыю. Гэта рэспіратар другога класа абароны, гэта не маска. Гэта бясклапанная абарона, нават калі медработнік заражаны, ён не заразіць хворага і абараняецца сам непасрэдна".

Ужо заўтра рэспіратары адправяцца ў бальніцы, якія дапамагаюць пацыентам з COVID-19.