Памяці найстарэйшага жывапісца і аднаго з лепшых партрэтыстаў краіны. Выстава да 100-годдзя Мікалая Валынца адкрылася ў Мар’інай Горцы. У краязнаўчым музеі экспануюцца 14 работ. На палотнах ажываюць твары герояў вайны і працы, палітычных і творчых дзеячаў. Для пошуку натуры аўтар шмат падарожнічаў па вёсках, а таксама аднаўляў партрэты загінуўшых удзельнікаў вайны па старых фатаграфіях і выразках з газет. Што да краявідаў мастака-рэаліста, яны створаны ў тэхніцы буйнога мазка.
Экспазіцыя да 35-годдзя аварыі на Чарнобыльскай АЭС
Яшчэ адна экспазіцыя ў краязнаўчым музеі прысвечана гадавіне чарнобыльскай аварыі. У яе ўвайшлі дакументы і фота, біяграфіі ліквідатараў ЧАЭС. Ёсць таксама мастацкія і літаратурныя творы аб падзеях 1986 года. Сярод іх, напрыклад, зборнік "Прайсці праз зону" з аўтографам Івана Шамякіна, а таксама друкаваны рукапіс твора аўтара.
