Беларусь увайшла ў топ-10 краін з найбольшай колькасцю выкананых тэстаў на каранавірус. Гэта мае вырашальнае значэнне для ранняй дыягностыкі і бяспекі людзей. З 23 студзеня ў нашай краіне правялі больш за 21 тысячу тэстаў. Гэта больш, чым у ЗША, Францыі і Японіі. На першым месцы ў топе Кітай і Паўднёвая Карэя.
Беларускія бальніцы забяспечаныя ўсім неабходным абсталяваннем
У выпадку росту захворвання беларускія бальніцы забяспечаныя ўсім неабходным абсталяваннем. Паводле звестак Міністэрства аховы здароўя, у Беларусі на 100 тысяч чалавек прыходзіцца 23 апараты ШВЛ, у выпадку сур'ёзнага развіцця сітуацыі медыкі гатовыя задзейнічаць яшчэ наркозна-дыхальныя апараты. Для параўнання, у ЗША на 100 тысяч чалавек апаратаў ШВЛ 18, у Вялікабрытаніі - 12, у Італіі крыху больш за 8.
Алена Богдан, намеснік міністра аховы здароўя Беларусі: "Геаграфія па Беларусі застаецца такой жа. Гэта Мінск, Віцебск, адзін выпадак у Гродне. І за выхадныя ў нас дадаўся яшчэ адзін выпадак у адным з раёнаў Гомельскай вобласці. Было праведзена эпідэміялагічнае расследаванне. Пацыентка шпіталізаваная з выкананнем усіх мер біябяспекі ў Гомельскую абласную бальніцу. Гэтая пацыентка трапіла ў поле нашаго зроку ў сувязі з тым, што ў яе развілася пнеўманія".
