У наступным годзе ў Беларусі ўступіць у сілу закон Аб медыяцыі. Зыходзячы з міжнароднай практыкі, новаўвядзенне дапаможа разгрузіць суды і знайсці альтэрнатыўныя спосабы рашэння канфліктаў. Ці запатрабаваныя паслугі медыятараў у беларусаў? Хто, а галоўнае, дзе, зможа навучыцца гэтай незвычайнай прафесіі? І як выйсці са спрэчкi, не застаўшыся ворагамі? На гэтыя і іншыя пытанні ў анлайн-фармаце адказалі першапраходцы беларускай медыяцыі.
Рыта Мікушава, партнёр адвакацкага бюро Права і сямейная медыяцыя: Медыяцыя ў краіне вельмі хутка развіваецца. Ёсць людзі, якія прайшлі навучанне ў медыяцыі і праводзяць яе. Дастаткова вялікі вопыт у сферы гаспадарчых праваадносін, у гаспадарчых судах рэспублікі. І на сённяшні момант гэтыя ўкараненні датычацца і сферы агульных судоў. На прыкладзе сваёй практыкі, я хачу сказаць, што гэта сапраўды эфектыўны спосаб рашэння канфліктаў.
Дарэчы, пра альтэрнатыву судовага разбору, як пра спосаб вырашэння спрэчак у Беларусі, сур'ёзна загаварылі тры гады таму. Так быў створаны Цэнтр вырашэння канфліктаў і медыяцыі. А летась сумесна з Вышэйшым Гаспадарчым Судом запушчаны пілотны праект па прасоўванні новай тэхналогіі. Вынікі не вымусілі сябе доўга чакаць. Кожная другая спрэчка завяршылася падпісаннем мірнага дагавора паміж варагуючымі бакамі. Поўную інтэрнэт-версію анлайн-канферэнцыі глядзіце на нашым сайце www.tvr.by.
