Якім павінен быць інфармацыйны прадукт і як яго жадае атрымліваць сучасны спажывец? Другі дзень Беларускага міжнароднага медыяфоруму пройдзе ў гарачых дыскусіях аб ролі і сіле ўплыву інтэрнэту. Прэзідэнт Беларусі Аляксандр Лукашэнка накіраваў прывітанне ўдзельнікам і гасцям. З кожным годам віртуальная прастора забірае частку аўдыторыі ў класічных крыніц навін - ТБ і друкаванай прэсы. Каб не страціць гледачоў і чытачоў, СМІ ідуць у анлайн. Лічбавізацыі медыяпрасторы прысвечаны адразу чатыры панэльныя дыскусіі. Аднымі з пляцовак для дыялогу стануць Парк высокіх тэхналогій і Белтэлерадыёкампанія.
Усе думкі і ідэі ўдзельнікаў набудуць канкрэтныя абрысы. Вечарам будзе прынята рэзалюцыя медыяфоруму. А заўтра работу пачне летняя школа журналістыкі. Вучэбнымі класамі стануць аўдыторыі профільнага інстытута БДУ.
