Пытанні двухбаковага супрацоўніцтва Беларусі і Германіі абмеркавалі ў ніжняй палаце парламента

У Мінск з дзелавым візітам прыбыла нямецкая дэлегацыя на чале з Маркам Хаўптманам - старшынёй германа-беларускай групы бундэстага. На парадку дня пытанні ўзаемадзеяння ў IT-сферы, сельскай гаспадарцы і машынабудаванні. 

Марк Хаўптман, старшыня германа-беларускай парламенцкай групы бундэстага ФРГ: "Мы будзем наведваць ваш Парк высокіх тэхналогій, бо ён мае вялізны патэнцыял. Яшчэ нас цікавяць стартапы, бо іх можна разглядаць як рэсурсы для развіцця новых тэхналогій. Нам таксама цікавы экспарт беларускага транспарту, які працуе на электрычнасці".

Бакі высока ацанілі ўзаемадзеянне ў палітычнай, гандлёва-эканамічнай і гуманітарнай сферах. У планах візіту парламенцкай дэлегацыі ФРГ, які падоўжыцца па 6 лютага, таксама сустрэчы з прадстаўнікамі бізнесу і грамадскасці.