Пытанні бяспекі абмеркавалі на пасяджэнні камісіі Парламенцкага сходу

Інфармацыйны суверэнітэт, праект канцэпцыі бяспекі на транспарце, удасканаленне сферы абароны і барацьбы са злачыннасцю. Гэтыя і іншыя пытанні сёння абмеркавалі на пасяджэнні камісіі Парламенцкага сходу Саюза Беларусі і Расіі. Сустрэча прайшла ў відэафармаце з удзелам дэпутатаў, а таксама прадстаўнікоў камітэта Саюзнай дзяржавы і МУС дзвюх краін. Адзначана, што праграмы мінулага года выкананы практычна цалкам. Рэалізацыя некаторых абцяжарана эпідсітуацыяй.

Па рэкамендацыі саюзных парламентарыяў  ужо ў найбліжэйшы час профільныя міністэрствы завершаць узгадненне па прынятых праектах.