Напярэдадні, у куццю на Вадохрышча, акунуцца ў ваду змаглі тысячы беларусаў. У Мінску і наваколлях сёлета арганізаваныя сем пунктаў. Усяго па краіне абсталяваныя сотні купеляў. А сёння да старажытнай традыцыі далучыліся і вайскоўцы ўнутраных войскаў. Вайскоўцы падрыхтаваліся асаблівым спосабам. Каб прывесці фізічную форму ў гатовасць перад купеллю, байцы і афіцэры правялі своеасаблівую размінку.
Ужо не першы год у гэтае свята байцы прыязджаюць да купелі побач з пасёлкам Гарадзішча, каб далучыцца да праваслаўнага звычаю. Як прызнаюцца самі вайскоўцы, акунанне - гэта не толькі акт ачышчэння духу, але і праверка цела.
