Вадзіцелю, які выжыў у аварыі каля Белаазёрска, пагражае да 10 гадоў пазбаўлення волі

8 Ліпеня 2019

Сталі вядомыя падрабязнасці страшнай аварыі каля Белаазёрска. Як высветлілася, вадзіцель быў п'яны і ехаў парушаючы правілы дарожнага руху. Нагадаем, трагедыя адбылася напярэдадні. Шафёр не справіўся з кіраваннем на закругленні дарогі і з'ехаў у меліярацыйны канал. Загінулі двое дарослых і трое дзяцей: дзяўчынкі 4 і 9 гадоў і 9-гадовы хлопчык. Двое з іх брат і сястра. Разам з імі ў машыне знаходзілася маці - яна выжыла, як і яшчэ чацвёра дарослых, у тым ліку вадзіцель. Вядома, што дзіцячых крэслаў у аўтамабілі не было.

Дзмітрый Іванюк, афіцыйны прадстаўнік УСК па Брэсцкай вобласці: "Праведзеным аглядам устаноўлена ў выдыханым паветры пароў этылавага спірту ў канцэнтрацыі 1,4 праміле. Зараз ідуць неадкладныя следчыя дзеянні. Прызначаныя неабходныя экспертызы".

Ці перавысіў вадзіцель хуткасць, зараз высвятляюць следчыя. Мужчына затрыманы. Яму пагражае да 10 гадоў пазбаўлення волі.


Папулярныя

Рэкамендуемыя

Зараз чытаюць

Рэкамендуемыя