Праблемы паркоўкі на зялёнай зоне, капрамонт старых дамоў і добраўпарадкаванне дваровых тэрыторый. Менавіта такія пытанні хвалююць мінчан. Сёння ва ўсіх раённых і гарадскіх упраўленнях традыцыйна прайшлі прамыя тэлефонныя лініі. Напрыклад, у адміністрацыю Савецкага раёна сталіцы звярнуліся больш за 30 мінчан. Некаторыя пытанні кіраўнік раёна Аляксандр Пазняк вырашаў адразу, іншыя былі ўзятыя на кантроль адказнымі спецыялістамі.
Нагадаем, прамыя тэлефонныя лініі з кіраўніцтвам сталіцы і вобласці працуюць кожную суботу з 9 да 12 гадзін.
