Падчас выбараў экстранныя службы будуць працаваць ва ўзмоцненым рэжыме

На час галасавання супрацоўнікі МУС пераведзены на ўзмоцнены варыянт нясення службы. Напярэдадні спецыялісты абследавалі выбарчыя ўчасткі. Усе нязначныя парушэнні ўжо ліквідаваныя.  17  лістапада ў рэжым павышанай гатоўнасці пяройдуць ратавальнікі.

Усю арганізацыйную  работу па падрыхтоўцы да выбараў скончылі і медыкі. У выпадках экстраннай шпіталізацыі ў бальніцах па ўсёй краіне зарэзерваваныя месцы. Створаны неабходныя запасы лекаў і расходных матэрыялаў для аказання дапамогі.